تحليل تريلر الموسم الثامن من مسلسل Game of Thrones



رح احكي عن التريلر و أهم المشاهد

وصول جيش الأموات بقيادة النايت كينغ اكييد.
مشهد التنانين وجون ودنيريس والهيكل العظمى الكبير اللي بالأرض ا والشمس طالعه المشهد هاد غريب وبصراحة مابتمنى انو يكون هاد فيسيريون وانو الحرب مع النايت كينغ انتهت وبعدو فضو جون ودينيرس للحرب مع سيرسي لانستر لو هالشي هاد صار رح يكون محبط كتير



في مشهد تاني بتكون الشمس طالعة بكينغز لاندينغ بالرغم انو هني بفصل الشتاء, طلعة الشمس مع وصول الشتاء لكينغز لاندينغ معناه انتهاء الحرب وانتصار الأحياء على الأموات .

مشهد لورد فاريس بكون موجود مع الأطفال والنساء بسراديب وينترفيل , لو رجعنا للموسم السابع منشوف انو ميليساندرا قال لفاريس انو موتو صار قريب , لهيك ممكن يكون موت فاريس قريب اذا ما بسراديب وينترفيل بكون بمكان تاني بس هاد شي أكيد برأيي .



مشهد اريا هيي وعم تجري بالسراديب ومرعوبة عنجد وهاد شي نادر انو نشوف اريا مرعوبة .... يمكن اخر مرة كانت اريا مرعوبة فيا لما كانت ببرافوس
ياترى صارت مجزرة بالسراديب؟؟؟؟



كمان منشوف اريا عم تحارب جيش النايت كينغ داخل أسوار وينترفيل وهاد الشي بأكد أنو في معركة كبيرة بس بقلب وينترفيل مو براتا ! بس مابستبعد يكون في معركة تانية برا وينترفيل .

مشاهد جيمي بصراحة هيي المفضلة عندي وتطور شخصيتو أكتر شي ملفت بكل المسلسل , منلاحظ انو دورو مهم بالحرب وبتمنى ما يوجعلنا قلبنا ويموت L


مشهد الهاوند بالمعركة والنار وبحاول كالعادة يتغلب عخوفو من النار.



مشهد سفن الغولدن كومباني المتوجه عكينغز لاندينغ للتحالف مع سيرسي بقيادة زعيمن هاري بقلب اسطول يورون غرايجوي.

منشوف تورموند مع بيريك دونداريون وهاد الشي اللي بأكدلنا أنو ما مات بانهيار الجدار.

مشاهد سيرسي اللي فيا تساؤلات كتير لأنو مو معروف اذا عم تبكي او عم تبتسم !
ياترى عم تبتسم لان انتصر الأحياء عالأموات ولازم تتحضر للمعركة معهن؟ أو خسرو ولازم تقضي عالفصائل اللي ضلت؟؟ (برجح اول احتمال)
عم تبكي لأن مات جيمي؟ او نزل ابنها اللي كانت حامل فيه؟

لأن كلنا منعرف سيرسي شقد بتحب عيلتا وبدها تضل محافظة عليها.






:التريلر

ليست هناك تعليقات:

إرسال تعليق