أهم نظريات مسلسل غيم أوف ثرونز GOT

أهم نظريات مسلسل غيم أوف ثرونز GOT
معظمنا أصبح متابعاً للمسلسل الشهير غيم أوف ثرونز Game of Thrones " صراع العروش" المعروف اختصاراً بـ GOT , ولا بد من أننا سمعنا عن العديد من النظريات التي تستخدم لتفسير أحداث هذا المسلسل أو توقع ما قد يحدث , ومنها نظريات معقولة ومنها ما لا يصدق , وسنقدم لكم مجموعة من أهم هذه النظريات مع شرح مبسط لها ليتم فهمها.

ملاحظة : بعض النظريات تحتوي حرق لذا لا ينصح بأن تقرأها إذا لم تنهي الموسم السابع من المسلسل.

1- أحداث المسلسل هي عبارة عن حلم !!

بران ستارك

هي واحدة من أغرب النظريات التي يتم تداولها بكثر , وهي أن أحداث المسلسل كلها عبارة عن حلم لبران ستارك بعد دخوله في غيبوبة نتيجة سقوطه عن البرج بعد دفعه من قبل جيمي لانستر.
وبالتأكيد لا أحد يتمنى أن تكون هذه النظرية صحيحة.

2- بران ستارك هو النايت كينغ

بران ستارك هو النايت كينغ

من أكثر النظريات انتشاراً وتعقيداً بنفس الوقت , بس كثير ناس ما بتعرف شو سبب النظرية و محتواها.
النظرية أشبه بالحلقة المفرغة , وبدها تركيز شوي
بتعتمد على انو بران عندو قدرات يرجع بالزمن ويغير بالأحداث مثل مشهد هودور😢
فإنو بران حاول يرجع بالزمن مشان يقضي عالنايت كينغ وحاول بأكث من زمن ومنها أنو فات على عقل الملك المجنون وخبرو أنو جيش الموتى بموت بالنار لهيك جن وصار يقول احرقوهم جميعاً وبعدها قتلو جيمي مثل ما منعرف.
وبعدها حاول بران يرجع لوقت صناعة النايت كينغ , وبقولو انو هون أطفال الغابة مسكو بران وحولو للنايت كينغ بدل الشخص الأخر🤯🤯
وهلأ النايت كينغ راجع بهدف يقتل بران (يعني يقتل نفسو😂) مشان يخلص نفسو من الحالة الي هو فيها.
طبعاً النظرية مثل ما شفتو مانها منطقية كثير و بتخلي الواحد يدوخ .
بس بمسلسل غيم أوف ثرونز كلشي ممكن ومافي شي متوقع😂😂

3- لماذا عاد النايت كينغ الآن تحديداً بعد 8000 سنة ؟؟

لماذا عاد النايت كينغ الآن تحديداً بعد 8000 سنة ؟؟

منعرف انو نهاية الليلة الطويل كانت من حوالي 8000 سنة , بس النايت كينغ اختار هاد الوقت تحديداً للتحرك باتجاه ويستروس , والنظريات وضعت أكثر من سبب رح نعرضها عليكن.

قبل ما نبدأ لازم الكل يعرف انو مافي أي شي بيذكر أنو البطل الأخير هزم النايت كينغ في الليلة الطويلة , كل القصص و الأخبار بتحكي عن انسحاب النايت كينغ وجيشو لأقصى الشمال وتم بناء السور.

السبب الأول : بقول انو البشر اتفقو مع النايت كينغ على تقديم القرابين مثل ما كان يفعل كراستر بتقديم أولادو الصبيان للنايت كينغ مقابل انو ما يهجمو عليه.
ويقال انو مع الوقت البشر بلشت تنسى هي الاتفاقية وما رجعت تقدم القاربين لهيك قرر النايت كينغ انو يهجم على ويستروس.
الي بيدعم هالنظرية انو وقت كان جيش الأموات يهجم على مجموعات من الحراسة الليلية كان يترك منهم ناس عايشين مشان يخبرو البقية انو هنن راجعين مرة ثانية.

السبب الثاني : بقول انو النايت كينغ عندو قدرات خارقة ما بتقتصر على انو يشوف الماضي بس بل بإمكانو يشوف المستقبل , وهو بيعرف انو مافيه يعبر الجدار بسبب السحر اليه فيه فشو الفايدة من الهجوم على ويستروس؟؟
بس النايت كينغ كان بيعرف انو في تنانين رح ترجع تطلع بهالوقت ورح تجي ع شمال السور و وقتها رح يقدر يقتل واحد منها ويستخدمو لتدمير الجدار.
الي بيدعم هي النظرية هو انتظارو طويلاً وقت محاصرة جون سنو وفرقتو لحتى وصلو التنانين ( والبعض بقول انو السبب انن ما كانو عارفين انو البركة تجمدت)
والشي الثاني الي بيدعمها هو انو النايت كينغ وقت قرر يقتل التنين اختار التنين الي طاير مشان بس وقع يغرق وما يقدرو يحرقوه.

4- مين رح يقتل سيرسي (إذا كانت رح تموت) ؟؟

سيرسي لانستر

الأغلب بيعرف أنو الساحرة خبرت سيرسي إنها رح تجيب 3 ولاد وكلن رح يموتو ورح يكون كفنهن الذهب وهالشي تحقق..
بس في جزء ثاني من النبوءة وهو إنو سيرسي رح تموت على يد أخوها وسيرسي بتعتقد إنو رح يكون تيريون...
بس استنا شوي جماعة النظريات ما رح يمرقوها بهالسهولة لهيك نبوءة😉😂
فاقترحو 3 اشخاص ممكن تقتل سيرسي.

1- تيريون لانستر : أخوها لسيرسي و بتكرهو وعندو ألف سبب ليقتلها لأنو سيرسي حاولت تقتلو بأكثر من مرة وشفنا الكره الكبير بيناتن.

2- جيمي لانستر : الكل بيعرف انو جيمي و سيرسي بحبو بعض فشو ممكن يخليه يقتلها؟؟!! 
في أكثر من سبب خلا جيمي يبلش يكرهها لسيرسي , منها انو سيرسي خانت اتفاقيتها مع دينيرس ع انو تبعث جيوشها لتحارب بالشمال جيش الموتى وشفنا كيف جيمي تركها وراح يلتحق بالشمال , والسبب الثاني هو انو سيرسي اتجهت للعنف والدمار لتحكم ومنها تفجير المعبد بالنار الإغريقية , وجيمي قتل الملك المجنون لما شافو بدو يحرق المدينة بالنار الإغريقية , والكل شاف نظرة جيمي لسيرسي بنهاية الموسم السادس لما رجع وعرف بتفجير المعبد.

3- آريا ستارك : رح تقولو شو دخل آريا بالنبوءة , بس النظريات لازم ما تخلو من شي مانو منطقي شوي 😂😂 , كلنا منعرف انو سيرسي موجودة ع قائمة آريا الي بدها تنتقم منهن , وبقولو انو ممكن جيمي يموت بالموسم الأخير وآريا تاخد وجهو وتلبسو مشان تقدر توصل لسيرسي وتقتلها وهيك بكون أخوها الي قتلها بشكل أو بآخر😂😂.

5- دينيرس ستنجب طفل من جون سنو

دينيرس ستنجب طفل من جون سنو

الساحرة قال لدينيرس أنها لن تنجب بعد الآن , ودينيرس تقول أن التنانين هم أطفالها ولا تستطيع أن تنجب غيرهم , لكن بعد موت أحد تنانينها بدأت تظهر نظريات حول إمكانية إنجابها لطفل بدل التنين الذي فقدته.

6- تيريون من سلالة التارجيريان وليس اللانستر

تيريون من سلالة التارجيريان وليس اللانستر

تقول بعض النظريات أن تيريون هو ابن لملك المجنون من زوجة تايون لانستر جوانا , وتعتمد هذه النظرية على قول تايون لتيريون أنه ليس ابنه عندما قام بقتله , بالإضافة لكره تايون الكبير لتيريون , والسبب الاهم لهذه النظرية هو اقتراب تيريون من التنانين وتحريرهم بدون أن يؤذوه.

7- السبب وراء حرق ذا ماونتون لوجه أخيه ذا هاوند

السبب وراء حرق ذا ماونتون لوجه أخيه ذا هاوند

جميع متابعي المسلسل يعرفون القصة المنتشرة أن ذا ماونتن حرق وجه أخيه ذا هاوند لأنه أخذ لعبته , لكن هناك نظرية تقول أن ذا هاوند يملك قدرة على رؤية الأشياء في النار (رأينا ذلك في المسلسل) وهو رأى أنه سيقتل أخيه في يوم ما , وعند إخباره لأخيه ذا ماونتن بالقصة قام بوضع رأسه في النار.

8- جون سيقتل دينيرس

جون سيقتل دينيرس

هذه النظرية تعتمد على أن جون سنو سيكون الأزورا أهاي , والذي حسب النبوءة سيكون من تارغيريان من نسل ريغار تارغيريان , وكما هو معروف فإن الآزورا أهاي قام بغرس سيفه في قلب زوجته ليصنع سيفه جالب الضياء الذي حارب فيه النايت كينغ.
وإذا كانت القصة سوف تتكرر و النبوءة سوف تتحقق فيمكن أن يقوم جون بقتل دينيرس ليصنع هذا السيف.

ليست هناك تعليقات:

إرسال تعليق