the haunting of hill house


The haunting of hill house 2018


القصة:
بين الماضي والحاضر ، بتواجه عائلة منقسمة ذكريات بشعة من منزلن القديم والأحداث المرعبة التي طالعتهن منو.
بيكتشف مجموعة من الأخوة اللي تربو أطفال بمكان رح يصير أشهر بيت مسكون في البلاد هلا، انجبرو يرجعو يعيشو المأساة نفسها هني وبالغين .
بالنهاية رح تنجبر العيلة بالنهاية انو يواجهو اشباح ماضيهن واللي بقيانين بذاكرتهن بالوقت اللي بطارد بعضن اشباح منزل هيل هاوس .
مسلسل The Haunting of Hill House مبني ع رواية الرعب القوطية المبدعة اللي طلعت عام 1959 واللي بتحمل الاسم نفسو، وهي بتتجنب كل المناظر الدموية ، وتفضل تقديم شي وجودي ومرعب بنفس الوقت، ويسرد أحداث الرحلة الصعبة التي بتخوضها عيلة بتحاول التعامل مع أشباح ماضيا.
 بيركز المسلسل على 10 حلقات مشحونة بالعواطف ع عائلة "كراين" والندبات اللي بتضل كل حياتن بسبب انو عاشو بأشهر منزل مسكون في أمريكا

المسلسل فيه كمية كبيرة من الدراما و العواطف و الحزن و الكآبة و الرعب و الاثارة النفسية.




مراجعتي الخاصة:
أنا كشخص مدمن رعب كتير ومن النادر انو تلاقي سلسلة رعب جذابة وأجواء رائعة ماكان أبدا مبالغ فيا وكان التمثيل رائع وما حسيت أبدا انو في غش بخط القصة ومافي مؤامرة وكل الفجوات اللي بالقصة مسكرة بطريقة ماممكن تكون احسن من هيك وأنا صراحة بكره يكون في ثقوب بالقصة
استمتعت فيه كتير وطريقة الربط بين الماضي والحاضر عبقرية ..... بنصح فيه جدا.
الموسيقى التصويرية رائعة .



تقييمي الخاص : 9.3\10

تقييم IMDB:8.7/10

انتاج: Netflix

كتابة وتاليف: Mike Flanagan

النوع: دراما, رعب ,غموض ,اثارة
التريلر:

ليست هناك تعليقات:

إرسال تعليق