mission impossible fallout 2018



Mission Impossible fallout (2018)

صدر الفيلم بتاريخ 12 تموز 2018 

بميزانية 178 مليون دولار 

قصة الفيلم:

انتهت 2018 وانتهت بكم فيلم عظيم متل هالفيلم ومتل غيرو متل birdbox .
الفيلم اقل مايقال عنو رائع بطولة البطل تبع هالسلسلة اللي هو توم كروز بدور ايثان هانت واللي اخد دور بينجي سايمون بيغ وكمان بدور لوثر اللي اخدو فينغ راميس بالإضافة لعضو جديد للفريق العميل ووكر (الممثل هنري كافيل).
عطونا أداء خرافي متل كل جزء بهل السلسلة .
بتبلش احداث الفيلم بصفقة لحتى يحصلو على 3 نوى بلوتونيوم وبصير اطلاق نار وبضيعو النوى من ايدين ايثان وبدو يرجع يحصل عليهن بأي طريقة قبل ما تتم عملية بيعهن لمؤسسة إرهابية لتستخدمن بتفجيرات نووية ب 3 مدن مأهولة بالسكان و رئيس هالمنظمة الإرهابية هو (لارك) اللي بكون عميل سري بمنظمة الاستخبارات الأمريكية .
بتصير مهمة ايثان انو يعرف هوية لارك الحقيقية واللي لازم يكشفها مع مهمتو الأساسية (نوى البلوتونيوم) .
بيكتشف هوية لارك بنص العملية مع مساعدة عميلة من جهاز الاستخبارات البريطاني MI6 .

أحداث الفيلم فيها كتير أحداث من أول دقيقة لآخر دقيقة واللي انكتب فوق هي قصة الفيلم باختصار لان رح يصير حرق إذا كتبت أكتر من هيك.


الشركات المنتجة:
Paramount
Sky Dance
Alibaba Pictures
Bad Robot
اخراج: Christopher McQuarrie 
تاليف : Bruce Geller, Christopher McQuarrie

مراجعتي الخاصة:
مارح قول غير انو هالجزء شكل قفزة عن الأجزاء اللي قبل من ناحية القصة والحبكة وطريقة تصاعد الأحداث من أول لحظة بالفيلم.
ساعتين ونص من الأكشن اللي تعودنا عليه بهيك سلسلة بطريقة ماممكن تمل فيها
كل لحظة الها تأثير بالرغم من تقدم توم كروز بالعمر الا انو لساتو قادر يعطي ويعطي بشي ضمن مجالو , أصلا هالسلسة الو ما بتوقع حدا بيقدر يعطي متلو بنفس الأداء من كل ممثلين هوليوود , أصلا Mission Impossible  انوجدت لتوم كروز .


تقييمي الخاص: 9/10

تقييم IMDB : 7.8/10

نوع الفيلم: إثارة, أكشن,غموض.

المدة: 2:27:25

التريلر




ليست هناك تعليقات:

إرسال تعليق